Phir Se Andhera..

chala ja raha tha, ik raat ke akele mein
manzil dhundhli si thi, aur the raaste anek.

ik hawaka jhonka aaya, mujhe choo.nta hua
hosh udaata hua, manzil ka ehsaas dilata hua.

door ik chiraag, aankhon ke saamne mila
manzil dikhi nahin, par paane ka aas mila.

do kadam dono saath chale, laga saathi mila,
us pal me jee rahe the, hume humsafar mila.

mera saathi, meri tarah lad khadaata hua,
woh chiraag, door hi se sahi, muskuraata hua.

phir ik hawaka jhonka aaya, palke jhapak gayi,
aankhe khuli to, andhera thi chaayi huyi.

chala ja raha hun, is raat ke akele mein,
dhundhli manzil 'Gumnaam'i, aur raaste anek.